ជប៉ុន៖ នាយករដ្ឋមន្ត្រីជប៉ុន លោក Fumio Kishida ត្រូវបានជម្លៀសចេញដោយគ្មានគ្រោះថ្នាក់ពីព្រឹត្តិការណ៍សាធារណៈមួយ បន្ទាប់ពីអ្វីដែលហាក់ដូចជាគ្រាប់បែកផ្សែងបានគប់មកលើគាត់។
ប្រព័ន្ធផ្សព្វផ្សាយក្នុងស្រុកបានរាយការណ៍ថា បុរសម្នាក់ត្រូវបានឃុំខ្លួននៅកន្លែងកើតហេតុក្នុងទីក្រុង Wakayama ជាកន្លែងដែលលោក Kishida ត្រូវទៅថ្លែងសុន្ទរកថា។
សាក្សីម្នាក់បាននិយាយថា ពួកគេបានឃើញមនុស្សម្នាក់គប់របស់មួយបន្ទាប់មកមានផ្សែង ខណៈម្នាក់ទៀតនិយាយថា ពួកគេបានឮសំឡេងផ្ទុះយ៉ាងខ្លាំង។
គ្មានការរងរបួសត្រូវបានគេរាយការណ៍។
វីដេអូបង្ហាញពីមន្ត្រីកំពុងដាក់ពីលើមនុស្សដែលគេជឿថាជាជនសង្ស័យ។
គាត់ត្រូវបានចាប់ខ្លួនដោយសង្ស័យពីបទរារាំងអាជីវកម្ម ហើយក្រោយមកត្រូវបានអាជ្ញាធរកំណត់អត្តសញ្ញាណថាជា Ryuji Kimura អាយុ ២៤ឆ្នាំ។ មិនទាន់មានការបញ្ជាក់ថាការប៉ុនប៉ងនេះដោយមូលហេតុអីទេ។
ទូរទស្សន៍ NHK របស់ប្រទេសជប៉ុនបានដកស្រង់សម្តីលោក Kishida ដែលនិយាយថាមាន៖ «ការផ្ទុះយ៉ាងខ្លាំង" នៅកន្លែងប្រារព្ធពិធី។ ប៉ូលិសកំពុងស៊ើបអង្កេតលម្អិត ប៉ុន្តែខ្ញុំសូមអភ័យទោសចំពោះការព្រួយបារម្ភរបស់មនុស្សជាច្រើន និងបង្កបញ្ហាដល់ពួកគេ»៕
PHOTO: BBC NEWS
